Me ftesë të dekanatit të Fakultetit Ekonomik të Universitetit Ndërkombëtar Islamik të Malajzisë, Dr.sc. Donat Rexha, mësimdhënës në Fakultetin Ekonomik në AAB, mbajti ligjëratë me temën, “Zhvillimi ekonomik në vendet e Ballkanit Perëndimor”.

Qëllimi i organizimit të kësaj ligjërate ishte informimi i studentëve dhe profesorëve të Universitetit IIUM për sfidat që vendet e Ballkanit Perëndimor hasin në zhvillimin ekonomik dhe mundësinë e investimeve në Kosovë.

Rexha gjatë periudhës së qëndrimit atje, bëri  prezantim edhe për metodat e mësimdhënies, kushtet e studimit, aktivitetet studentore, revistat kërkimore shkencore, që posedon Kolegji AAB. Profesorët dhe studentët shprehen interesim që në një periudhë të afërt ta vizitojnë Kosovën dhe të diskutojnë për mundësitë e bashkëpunimit me Kolegjin AAB.