Rreth 100 autorë vendorë e ndërkombëtarë, pjesë e Konferencës “Perspektiva e integrimit të Ballkanit Perëndimor në BE”

21 Prill 2021

Të premten dhe të shtunën, më 23 e 24 prill 2021, organizuar nga Kolegji AAB në bashkëpunim me universitete partnere nga Shqipëria, Maqedonia e Veriut e Kroacia do të zhvillojë punimet Konferenca Shkencore Ndërkombëtare “Perspektiva e integrimit të Ballkanit Perëndimor në BE”.


Në konferencë do të marrin pjesë rreth 100 autorë nga Kosova, Shqipëria, Maqedonia, Kroacia, ShBA, Australia, Belgjika, Bullgaria të cilët të ndarë në tetë panele të ndryshme do të prezantojnë të gjeturat e tyre në rreth 60 punime shkencore që do të paraqiten në këtë konferencë.

Konfrerenca kërkon të japë përgjigje në pyetjet e mëposhtme:
– cila është perspektiva e integrimit të Ballkanit Perëndimor në BE në kohën kur Brukseli kërkon ende marrëveshje të reja, si ajo mes Kosovës e Serbisë;
– si ka ndikuar pandemia në procesin e integrimit;
– cili është roli i politikanëve të vendeve ballkanike (të cilët studiuesi Bieber i quan princër) në proceset eurointegruese të rajonit?

Vlen të theksohet se në këtë konferencë folës kryesorë do të jenë:
Prof. Dr. Florian Bieber, nga Universiteti i Graz-it, Austri;
Prof. Dr. Anton Panchev, nga Universiteti i Sofjes, Bullgari, dhe
Prof. Dr. Besnik Pula, Virginia Tech, ShBA.

Bashkorganizatorë të konferencës janë edhe Universiteti i Evropës Juglindore, Tetovë (Maqedonia Veriore); Universiteti “Josip Juraj Strossmayer”, Osijek (Kroaci); Akademia e Kosovës për Siguri Publike (Kosovë); Universiteti “Aleksandër Moisiu”, Durrës (Shqipëri); Universiteti “Fan S. Noli”, Korçë; Universiteti FON, Shkup (Maqedonia e Veriut).
Konferenca do të zhvillohet online përmes platformave digjitale.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19