Marigona Aliu

Komunikim Masiv

Marigona Aliu, studente e Gazetarisë në AAB, po kryen punën praktike në Glam Radio

Studentja shembullore e vitit të tretë në Fakultetin e Gazetarisë në AAB, Marigona Aliu, tashmë ka filluar punën praktike në Radio “Glam”.

Marigona ka treguar se ka filluar t’ i praktikojë mësimet torike të marra gjatë ligjëratave në AAB.

“Në AAB përshtypje më ka lënë qasja e lehtë dhe e kuptueshme në mes të profesorëve dhe studentëve, duke e bërë më të lehtë mësimin. Ndërsa, praktikat e ndryshme që ofron Kolegji AAB për studentët na kanë ndihmuar shumë në formimin tonë si gazetarë”, tha ajo.

Pothuajse në fund të studimeve të saj, ajo gjithashtu ka inkurajuar studentët e rinj dhe ata që synojnë të studiojnë Gazetarinë se AAB është vendi i duhur ku mund të studiosh dhe zhvillohesh profesionalisht.

Fakulteti i Komunikimit Masiv në Kolegjin AAB ka një staf pedagogjik të zgjedhur, me përvojë të dëshmuar shkencore, akademike e praktike, brenda dhe jashtë Kosovës, ndërsa deri tani rreth 90 për qind e të diplomuarve në këtë fakultet janë të punësuar.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19