Flamur Haruni

Shkenca Kompjuterike

Studentë të AAB-së krijojnë lojëra kompjuterike në gjuhën shqipe

Storiet e sukseseve të studentëve të AAB-së në profesione të ndryshme e aktivitete publike, janë të zakonshme. Të tillë studentë ka shumë, brenda dhe jashtë vendit.

Kësaj radhe po jua prezantojmë një tregim pak më ndryshe të studentëve tanë. 
Flamur Haruni, Krenar Haruni dhe Alket Rexhepi, janë tre nga studentët e AAB-së të cilët janë fokusuar në zhvillimin e lojërave kompjuterike. Ata tashmë kanë krijuar kompaninë e tyre “Drague” dhe kanë lansuar lojën e parë, 100% në gjuhën shqipe “FJALË” (https://drangue.com/fjale).

“FJALË” është krijuar për dy platformat iOS dhe Android, dhe mund të shkarkohet falas, ndërsa sukseset e saj tashmë janë të dukshme, duke pasur parasysh interesimin për të.
Por, rrëfimi për Flamurin, Krenarin e Alketin, nuk përfundon këtu, sepse ata krahas projekteve të shumta për kompani të ndryshme, janë duke krijuar edhe tre lojëra të tjera, njëra ndër të cilat është edhe KUIZI, e që pritet të lansohen së shpejti.

Për sukseset e tyre dhe punën ekipore ata falënderojnë Kolegjin AAB, sepse siç thanë ata: “AAB ishte epiqendra e motivimit tonë. Në AAB u njohëm dhe mësuam të bashkëpunojmë për të ardhur këtu ku jemi sot.”

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19