Orhan Kurteshi

Kulturë Fizike dhe sport

Studenti i AAB-së, Orhan Kurteshi fitues i vendit të parë në garat pranverore në Pingpong

Studenti i Kolegjit AAB, Orhan Kurteshi, ka dalë fitues i  vendit të parë në kategorinë e meshkujve në pingpong në Garat Pranverore të Sportit.

Orhani, i cili në AAB studion në Fakultetin e Shkencave Kompjuterike, thotë se sportin e pingpongut e ka profesion të dytë dhe se nuk do ta lërë anash asnjëherë.

“Për mua sporti është një hobi dhe do të mbetet gjithmonë si profesion i dytë. Pingpongu në veçanti do të mbetet një aktivitet që nuk do të heqë dorë asnjëherë dhe do të mundohem të jem gjithmonë i suksesshëm”, tha ai.

Për studimet e tij në fushën e shkencave kompjuterike, Orhan Kurteshi thotë se synimi i tij është që të bëhet një inxhinier i suksesshëm në të ardhmen: “Unë studioj në Shkencat Kompjuterike në Kolegjin AAB, synimi im për të ardhmen është që të jem i përgatitur për t’ u bërë një inxhinier i suksesshëm, por, në këto lloj sporte dua të marr pjesë gjithmonë, pasi që tash e një kohë kam përvojë për sportin e pingpongut”, shtoi mes tjerash Kurteshi.

Ai gjithashtu falënderoi Kolegjin AAB për mundësitë e dhëna sa i përket sportit dhe tha se është krenar dhe i privilegjuar që ka përfaqësuar Kolegjin AAB në Garat Pranverore të Sportit si dhe ka dalë fitues i vendit të parë. 

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19