Tri botime serioze ndërkombëtare brenda tri javëve të fundit

16 Korrik 2021

Vetëm gjatë tri javëve të fundit, Kolegji AAB ka dalë me tri publikime të rëndësishme shkencore.

Fjala është për librin studimor me titull “Roli dhe pozita juridike e Presidentit të Republikës së Kosovës – 111 pyetje dhe përgjigje”, i autorëve Besim Kajtazi dhe Florent Muçaj; Libri me punimet nga Konferenca shkencore ndërkombëtare e organizuar nga AAB-ja dhe në partneritet me disa universitete të tjera, si dhe, revista shkencore ndërkombëtare “Thesis”.

Në librin për rolin e presidentit, autorët japin përgjigje në 111 pyetje që kanë të bëjnë me rolin dhe pozitën juridike të presidentes së Kosovës: si emërohet dhe si shkarkohet kryetari i KQZ-së nga presidenti i Kosovës?; cili është roli i presidentes në politikën e jashtme?; si e përfaqëson presidentja unitetin e popullit?; si e garanton presidentja funksionimin demokratik dhe kushtetues të institucioneve të Kosovës etj..

Libri i Konferencës përfshin 7 studime me 12 autorë të cilat janë prezantuar në konferencën shkencore ndërkombëtare me titull “Perspektivat e integrimit të Ballkanit perëndimor në BE”, e cila konferencë u mbajt në Kolegjin AAB në muajin prill, në bashkëpunim me Universitetin e Osjekut, Sarajevës, Universitetin e Europës Juglindore, Durrësit, FON-Shkup dhe Korçës.

Në këtë libër janë publikuar studimet e pjesëmarrësve që vijnë nga universitetet e Kroacisë, Turqisë, Maqedonisë së Veriut, Kosovës, Shqipërisë etj.

Botimi i tretë i Kolegjit AAB që këto ditë doli nga shtypi, është revista shkencore ndërkombëtare “Thesis”. Në 280 faqet e këtij numri janë përfshirë artikujt shkencorë të studiuesve nga universitete prestigjioze në botë, si: University College London, Universiteti Roma Tre, Universiteti Vrije i Brukselit, Universiteti japonez i Osakas, Hellenic Open University, Kaplan Higher Education Singapore, nga Kolegji AAB, Universiteti gjerman Bielefeld, etj..

Të tri botimet lexuesit mund t’ i gjejnë në Librarinë dhe Bibliotekën e Kolegjit AAB.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19