Dekanati

Mr.Art. Burbuqe Berisha

U.D. dekane

Studimet themelore dhe master i ka përfunduar në Fakultetin e Arteve, dega Regji e Filmit në Universitetin e Prishtinës “Hasan Prishtina”, në Prishtinë.

Ka krijuar një numër të konsiderueshëm të filmave memetrazh të shkurtër, si dhe dokumentarë, seriale televizive,shfaqje teatrore dhe është fituese e disa shpërblimeve në festivale të filmit dhe teatrit me karakter ndërkombëtar.

Për një vit e gjysmë ka punuar si menaxhere në Kino ABC në Prishtinë, për katër vite si producente në KosovaFilm, po ashtu për katër vite me radhë si drejtoreshë e Përgjithshme e Teatrit Kombëtar të Kosovës dhe anëtare e Këshillit Drejtues të QKK-së, si dhe të Ansamblit “Shota”. Në shumë festivale filmash ka qenë anëtare e jurive profesionale me karakter ndërkombëtar.

Aktualisht është u.d. dekane e Fakultetit të Komunikimit Masiv dhe Gazetarisë në Kolegjin AAB, drejtoreshë e AAB Teatrit “Faruk Begolli”, si dhe anëtare e Këshillit Drejtues të Teatrit Profesionist të Gjakovës.

Ligjëron lëndët:

• Praktikë e Profilizuar
• Regji televizive

PhD. Candidat. Mimoza Doko

Prodekane
Përgjegjëse për sigurimin e cilësisë

Ka studiuar në Universitetin e Arteve, Fakultetin e Artit Skenik për Aktrim dhe Regji në Tiranë. Pas përfundimit të këtyre studimeve ka punuar si regjisore në Radio Televizionin Shqiptar.

Ka përfunduar studimet Master në Kolegjin AAB në Prishtinë, për Komunikime Masive, ku dhe punon si ligjëruese në Fakultetin e Komunikimit Masiv si dhe në Fakultetin e Shkencave Sociale në Prishtinë, Ferizaj dhe Gjakovë që nga viti 2002 dhe në vazhdim.

Është duke vazhduar studimet Doktorale në Universitetin Europian të Tiranës për Komunikim Masiv.

Deri tani ka marrë pjesë në disa konferenca dhe trajnime të ndryshme, si edhe ka publikuar disa punime shkencore. Flet dhe shkruan rrjedhshëm gjuhën italiane.

Aktualisht është prodekane në Fakultetin e Komunikimit Masiv.